BOIPILETSO BA HO THONGWA HA BONKGETHENG BA TLA BA BOTONG YA
KHANSELE YA NAHA YA DITSHEBELETSO TSA LAEBORARI LE TLHAHISOLESEDING,
Ditho tsa mokga wa Ditshebeletso tsa Dilaeborari le Tlhahisoleseding mmoho le ba bang ba nang le thahasello ba mengwa ho thonya bonkgetheng ba tshwanelehang ba tla elwa hloko ha ho kgethwa Khansele ya Naha ya Ditshebeletso tsa Dilaeborari le Tlhahisoleseding ka ho ya ka Molao wa Naha wa Khansele ya Ditshebeletso tsa Dilaeborari le Tlhahisoleseding, 2001 (Molao wa Nomoro ya 6 wa 2001) bakeng sa nako ya ho tloha ka la 1 Pudungwana 2006 ho ya la 31 Mphalane 2009.
Sepheo sa Khansele ena ke ho eletsa Letona la Bonono le Setso le Letona la Thuto ditabeng tse amanang le ditshebeletso tsa dilaeborari le tlhahisoleseding bakeng sa (a) ho tshehetsa le ho tsosolosa ntshetsopele ya thekenoloji ya tlhahisoleseding ya phedisano le moruo, thuto, setso, boiketlo, diphuputso tsa saense tsa baahi bohle ba naha; le (b) ho fana ka phihlelo e felletseng ya tlhahisolseding e tshwanetseng mothong e mong le e mong ka tsela e tla fokotsa ditjeo. Mesebetsi ya Khansele e kenyelletsa, hara e meng, ho tsebisa le ho eletsa Matona ka ntshetsopele le ho hokahana ha ditshebeletso tsa dilaeborari le tlhahisoleseding ka hara naha.
Batho ba thontsweng ba lokela ho emela bathahaselli bao e leng baetapele makaleng a bona a tsebo mme ba na le tsebo e tjhatsi ditshebeletsong tsa laeborari le tlhahisoleseding le mekga ya thuto. Hantlentle ba lokela ho ba le tsebo e mabapi le melao ya Ditshebeletso tsa Dilaeborari le Tlhahisoleseding, taolo le ditjhelete tsa dilaeborari, thupelo ya basebetsi ba Ditshebeletso tsa Dilaeborari le Tlhahisoleseding, bokgoni ba ho bala le ho ngola, le botsebi ba Thekenoloji ya Tlhahisoleseding ka Dikhomputara bakeng sa ho kgothaletsa Ditshebeletso tsa Dilaeborari le Tlhahisoleseding tse sebetsang hantle haholo.
Motho ofe kapa ofe ya batlang ho thonya motho ya tla ba Khanseleng o lokela ho tlatsa le ho romela foromo ya semmuso ya ho thonya lebitso Lefapheng la Bonono le Setho. Letsatsi la ho qetela la ho romelwa ha diforomo tsa ho thonya ke la 31 Phato 2006:
Foromo ya thonya lebitso e lokela ho kenyelletsa Dihlomathiso tse latelang hore e tle e elwe hloko:
Lengolo le nang le mabitso a felletseng le dintlha tsa moo ho ka iteangwang le motho ya thontseng, le hlalosang ho tshwaneleha ha motho ya thontsweng hore a ka kgethwa ka ho ya ha maemo a hlalositsweng mona ka hodimo, le mabitso le dintlha tsa ho ka iteangwang le batho ba bararo ba ka pakang ka motho ya thontsweng.
Kamohelo e ngotsweng ya motho ya thontsweng.
CV e kgutshwane ya motho ya thontsweng, e fanang ka lesedi le mabapi le yena motho eo ya thontsweng tlasa dihlooho tsena tse latelang tsohle:
a Thaetlele le mabitso ka botlalo b Nomoro ya Tokomane ya Boitsebiso c Boahi ba Naha .
d Dintlha tse felletseng tsa moo ho ka iteangwang le yena e Mosebetsi a o etsang ha jwale mmoho le lebitso la ramosebetsi f Mangolo a thuto g Boiphihlelo bo tshwanetseng h Makala a nang le botsebi bo hlwahlwa ho ona i Botho ba mekgatlo, Diboto, jj. ba nakong e fetileng le ba ha jwale j Bong k Borabe
Letsatsi la ho qetela la ho romelwa ha mabitso a thontsweng ke la 5 Motsheanong 2006.
Foromo ya semmuso ya ho thonya mabitso, ekasitana le khopi ya Molao wa Naha wa Dilaeborari le Tlhahisoleseding, 2001, e ka fumanwa ho tswa ho ?
Mohala. 323-5300 X254
